مجید امجد
جدید اردو نظم میں کے ایک اہم ترین شاعر۔ جنہوں نے اپنی شاعری سے اردو نظم کو نیا آہنگ بخشا۔
29 جون 1914 کو جھنگ میں پیدا ہوئے۔ 1930 میں اسلامیہ کالج ریلوے روڈ سے بی اے کیا۔ 1939 تک جھنگ کے ہفت روزہ اخبار عروج کے مدیر رہے۔ 1944 انسپکٹر سول سپلائر مقرر ہوئے۔ ترقی پاکر اسسٹنٹ فوڈ کنٹرولر بنے۔ ملازمت کا زیادہ عرصہ منٹگمری موجودہ ساہیوال میں گزار ۔ جہاں سے وہ 29 جون 1972ء کو ریٹائر ہوئے۔ انتہائی عسرت اور تنگی میں گزارے ۔ وفات سے ایک ماہ پہلے تک انہیں پینشن نہ مل سکی۔ نوبت تقریباً فاقہ کشی تک پہنچ گئی۔ آخر اسی کیفیت میں گیارہ مئی 1974ء کے روز اپنے کوارٹر واقع فرید ٹاون ساہیوال میں مردہ پائے گئے۔ تدفین آبائی وطن جھنگ میں ہوئی
مجید امجد کے بارے میں خواجہ محمد زکریا لکھتے ہیں: مجید امجد اردو نظم کے ایک انتہائی اہم اور منفرد لہجے کے شاعر ہیں ان کا کلام معیار اور مقدار دونوں اعتبار سے بے مثال ہے۔ جتنا تنوع ان کے ہاں پایا جاتا ہے وہ اردو کے کسی جدید شاعر میں موجود نہیں ۔ ان کی تقریباً ہر نظم مختلف موضوع اور مختلف ہیت میں تخلیق ہوئی ہے۔ ان کے کلام میں زبردست آورد پائی جاتی ہے۔ اس کے باوجود جذباتی گہرائی جتنی ان کے ہاں ملتی ہے، وہ عصر حاضر میں کسی اور کے ہاں نایاب ہے۔ انہیں ادبی حلقوں نے مسلسل نظر انداز کیا لکین انہوں نے کبھی ردعمل ظاہر نہیں کیا۔
منتخب نظمیں
منتخب غزلیں
- اب یہ مسافت کیسےطے ہو اے دل تو ہی بتا
- اس اپنی کرن کو آتی ہوئی صُبحوں کے حوالے کرنا ہے
- بنے یہ زہر ہی وجہِ شفا، جو تو چاہے
- جنونِ عشق کی رسمِ عجیب کیا کہنا
- دل سے ہر گزری بات گزر ی ہے
- دل نے ایک ایک دکھ سہا، تنہا
- روش روش پہ ہیں نکہت فشاں گُلاب کے پھول
- کس کی گھات میں گم صم ہو؟ خوابوں کے شکاری جاگو بھی
- کوئی بھی دَور۔۔ سرِ محفلِ زمانہ رہا
- کیا روپ دوستی کا، کیا رنگ دشمنی کا
- کیا سوچتے ہو، پھولوں کی رت بیت گئی، رُت بیت گئی
- میں تڑپا کیا اور گیسوۓ ناز
- ہر وقت فکرِمرگِ غریبانہ چاہیئے
- یک ایک جھروکا خندہ بہ لب ایک ایک گلی کہرام